Látum EKKI Bjóða Okkur Þetta!

Þetta var auglýsing í Mbl í morgun frá Sjómannasambandi Íslands, Afli stéttafélagi og Alþýðusambandi Íslands. Það vekur athygli að stærsta stéttafélagið Efling er ekki með í þessari árás á hendur Sjómannafélagi Íslands. Þess skal getið að Sjómannafélag íslands sagði sig úr heildarsamtökum ASÍ vegna slappleika þeirra og gífurlegra fjárhæða sem Sjómannafélag Íslands hefur þurft að greiða til Alþýðusambandsins sem nam miljónum króna, þeim peningum var betur varið til sinna félagsmanna í formi hærri greiðslna þegar menn verða veikir. Sú greiðsla sem hér um ræðir er sú hæsta sem eitt félag greiðir í dag, þökk sé Sjómannafélaginu fyrir það að bæta hag sinna félagsmanna.

Félagsleg undirboð um borð í Norrænu.

Þetta segja stéttafélöginn þrjú sem auglýsa níð um Sjómannafélag Íslands. Norræna er skráð undir Alþjóðlegu skipaskráningu á færeyskuflaggi sem er versta skipaskráning í heiminum sem sýnir að þeir hafa í hendi sér með með kaup og kjör manna, til fróðleiks þá er þetta ekki færeyskur vinnustaður. Þrátt fyrir þetta tókst Sjómannafélag Íslands að ráða skólafólk til þjónustustarfa fyrir 570 þúsund krónur sem eru lámarks laun auk annarra hlunninda sem eru enn í gildi, og gilda fyrir erlend fólk á færeyskum kjörum með lífeyrissjóðsgjöldum sem gera 676 þúsund 259 krónur brúttó á mánuði. inni í þessu er innifalið vinnutímaskilda sem eru 10 tímar á dag alla daga vikuna. Eftir 1 mánuð um borð, þá getur skólafólkið tekið sér frí í 7 daga á fullum launum samkvæmt íslenskum kjarasamningum. Síðan um áramót getur þetta sama skólafólk fengið endurgreitt skattatekjur sem það borgar . Skólafólkið sem hér um ræðir fær útborguð laun eftir skatt 345 þúsund krónur í launaumslagið sem þykir góð laun fyrir fólk sem vantar vinnu.

Nýgerðir kjarasamningar.

Þessi sömu félög sem gerðu nýlega kjarasamninga upp á 180 þúsund krónur á mánuði og 200 þúsund eftir 3 ár voru að semja um laun undir þeim launum sem skólafólkið fær. Þrátt fyrir að búið var að reikna út að til að geta lifað af sínum launum þyrfti 290 þúsund krónur þá er allt hitt eftir. Afl verkalýðsfélag gerði nýlega kjarasamninga fyrir álver þau eru lægri enn hjá Alcan í Straumsvík sem dæmi þetta sama félag hótar síðan að setja afgreiðslubann á Norrænu fyrir að greiða hærri laun enn félög þremenningana. Hvar voru þessi umræddu stéttafélög sem nú rísa upp með skætingi út í félag sem hefur barist með kjafti og klóm gegn útflöggun farskipaflotans. Sem er nú svo illa staddur að að eins eitt skip er skráð nú undir Íslenskum fána það er Herjólfur sem er skráður í Vestmanneyjum. Þess skal getið að þessi félög hafa ekki einu sinni haft fyrir því að styðja Sjómannafélag Íslands í sinni baráttu, stað þess hafa þau unnið á móti Sjómannafélagi Íslands síðan félagið sagði sig úr ASÍ. Er þetta framtíðin sem koma skal að stéttafélög skuli berjast innbyrðist með þessum hætti? Eða er þetta spurning hver ræður? Eitt er víst að Sjómannafélag Íslands er ekki þekkt fyrir að gefa eftir, enn eitt skulu þessi félög þremenningana vita að Sjómannafélag Íslands mun berjast til síðasta blóðdropa gegn klíku manna sem eiga ekki að stjórna eða semja um laun sem ekki er hægt að lifa af.

Jóhann Páll Símonarson.

 

 

Athugasemdir

[Eyjólfur G Svavarsson, 18.5.2011 kl. 14:54]

Jóhann" Þetta er alveg laukrétt hjá þér. og það sem þeir skammast sín fyrir er, að nú sjá allir hversu smánarleg laun eru í þessu landi. Meira að segja þingmennirnir voru að átta sig á því að við búum láglaunalandi, þeir eru ekki með laun á við þjónustufólk á skipum færeyinga!!!

[Jóhann Páll Símonarson, 18.5.2011 kl. 15:09]

Heill og sæll Eyjólfur G Svavarsson.

Þakka þér fyrir hlý orð. Þetta er með ólíkindum að ráðist sé með þessum hætti á stéttafélag sjómanna með kjafti og klóm og meira segja hent miljónum króna úr sjóði félagsmanna í auglýsingar. Þessi félög og sérstaklega Sjómannasamband Íslands skuldar Sjómannafélagi Íslands miljónir króna af greiðslum vegna aflamiðlun sjómanna. Það mál er enn óuppgert.

Eins vil ég vekja athygli hvort miðstjórn ASÍ og stjórnir þessara félaga hafa samþykkt að auglýsa í dagblöðum með þessum hætti. Vænti svara við því.

Jóhann Páll Símonarson.