Það er verið að traðka á Landsbyggðinni.

Hópur manna sem kallar sig yfirstétt þessa lands og býr sjálfsagt í Þingholtunum og er meðlimir í Samtökum betri byggðar  rís nú upp á afturlappirnar og vill flugvöllinn burtu úr Reykjavík, sem er eitt besta flugvallarstæði sem umgetur fyrir utan Álftanes. Miklar rannsóknir hafa farið fram sem eru mjög nákvæmar þar sem tekið var tillit til aðflugsskilyrða og staðsetningar þessi skýrsla var gerð af bandarísku verkfræðifyrirtækinu James C. Buckley Inc. Þessi skýrsla er 142 blaðsíður með greinargerð og nákvæmum teikningum. Okkar reyndasti flugstjóri, Dagfinnur Stefánsson, getur staðfest að þetta er rétt. Reykjavíkurflugvöllur hefur verið á sama stað yfir 50 ár og hefur ekki gert neinum neitt nema að veita þeim öryggi sem þurfa nauðsýnlega að sækja höfuðborg landsins því stutt er í allar stofnarnir landsmanna og ég tala ekki um fólk sem þarf að sækja sér lækninga og ekki má gleyma sjúkraflugi þeirra sem eru virkilega veikir og þurfa að komast á áfangastað á skemmstum tíma, því tíminn er dýrmætur þegar um er að ræða líf eða dauða þeirra sem þurfa að komast undir læknishendur strax. það vita það allir sem vilja skilja það hvað staðsetningin er mikilvægur þáttur í lífi fólks. Það mætti halda að þessi yfirstétt hefði ekkert annað að gera enn að vera á móti því sem fólkið í landinu sjálft vill, að flugvöllurinn verði á sínum stað. Það vill meiri hluti þjóðarinnar.

Af hverju má ekki fljúga yfir borgir?

Yfirstéttin vill ekki flug yfir Reykjavík? Enn af hverju má fljúga yfir Ísafjörð, Sauðakrók, Akureyri, Egilstaði? Að ónefndu þotuflugið yfir Keflavík, þar búa þúsundir manna sem hafa ekkert athugavert við flugvöllinn að athuga. Það vill nefnilega hafa sína þjónustu á sínum stað og geta stólað á hana. Fólkið í landinu mun ekkert byggja á næstunni eða hugsa um nýbyggingar því íbúðir standa auðar. Það vill hinsvegar yfirstéttin í Samtökum betri byggð, þeir vilja halda áfram að byggja þúsundir íbúða þar sem flugvöllurinn er. Á sama tíma og rúmar 4000 þúsund íbúðir standa auðar í Reykjavík sem bíða eftir kaupendum. Hverskonar þvæla er þetta? Hún nær ekki nokkru tali. Þessi yfirstétt, Framsóknarflokkurinn með Óskar Bergsson í forystu eftir að hafa tapað í  prófkjöri flokksins á sínum tíma, vildi byggja nýjan flugvöll upp við Hólmsheiði og fleiri flokkar sem voru og eru á sama máli, saman ber Dagur B Eggertsson og hans fólk Sóley Tómasdóttur úr vinstri grænum sem lítið dæmi. Samkvæmt niðurstöðum er þetta ekki hægt vegna veðurskilyrða sem eru þröng og erfið á þessum stað, enn ítrekaðar rannsóknir hafa útilokað að hafa innanlandsflug þarna. Fyrir utan það eru einfaldlega ekki til fé til þess málaflokks. Hvað þá heldur aukin útgjöld fyrir farþega.                                                                                    

Misbeita valdinu.

Ef samtök eins og yfirstéttin í Samtökum um betri byggð vilja vera marktækur hópur þá er það lámarks- krafa sem ég geri til þeirra að vinnubrögð sé fagleg og vönduð. Það eru ekki vönduð vinnubrögð að saka fólk um að hafa lengi misbeitt valdinu í illa fengnum yfirráðum yfir flugi í Vatnsmýrinni. Þetta er einföld frekja að ætlast til þess að flug megi ekki vera yfir Reykjavík og samtökin vilja stjórna hverjir mega eiga heima í borginni. Þetta minnir mig á tíma kalda stríðsins þegar menn urðu að standa eins og foringinn lagði fyrir þá.  Við þurfum ekki annað enn að fljúga erlendis þar er flogið yfir borgir eins og Boston,New York, Amsterdam og fleiri borga. Allt eru þetta staðir sem þúsundir flugvéla fljúga til og frá daglega. Ekki er þetta fólk að gera athugasemdir, því þetta eru atvinnutækifæri þeirra sem hafa hag af þessari starfsemi og lifa samkvæmt því. Tekjur af þessar starfsemi nema þúsundum miljóna króna. Eins vil ég minna á atvinnutækifæri varandi Reykjavíkurflugvöll sem skapast í tekjum sem við borgarbúar fáum í formi skatts og ekki veitir af á þessum tímum til að standa undir velferð borgarbúa. Af hverju snúa samtök sem kalla sig betri byggð sér ekki frekar að málefnum fátækt fólks sem þarf á hjálp  að halda og á ekki fyrir mat?. Samtökunum væri nær að snúa sér að þeim verkefnum sem eru krefjandi, í  stað þess að vera að röfla útaf flugvelli sem fer ekkert. Við skulum taka snúning á þessu 2038 þá munum við komast að þeirri niðurstöðu að flugvöllurinn muni verða þar áfram.

Jóhann Páll Símonarson.                               

Athugasemdir

[Anna Sigríður Guðmundsdóttir, 21.11.2013 kl. 23:02]

Já, og lífeyrissjóðs-ránsfenginn ólöglega og skerta til eigenda þeirra, ætlar heimsmafían að nota í nýja landsspítalann. Það er alvarlega illa komið fyrir þeim sem stýra Titanic-Íslandi og restinni af stríðsrekna jarðlífinu.

Nú er bara bráðabjörgun það eina sem dugar. Há-skólaður heilaþvottur er engin afsökun á þjóðarglæpum.

M.b.kv.