Líknarfélagið Risið 30 ára.

Ég vil byrja á því að óska þessum samtökum gleðilegs árs megi guð og gæfa vera með þeim og kærar þakkir til þeirra sem hafa gefið sér tíma aðstoða fólk sem hefur misstigið sig í lífinu, og hafa síðan  orðið betri menn enn þeir voru áður. Ég var viðstaddur á 30 ára afmælisdegi félagsins sem var haldið á Hótel Sögu í desember mánuði  þar voru saman komnir hugsjónarmenn úr þjóðfélaginu þar á meðal Vilhjálmur Þ Vilhjálmsson fyrrverandi borgarstjóri sem hefur sýnt þessum samtökum mikinn skilning í gegnum árin og á hann heiður skilið fyrir sitt framlag í þágu þessa samtaka, ásamt fleirrum sem eiga hluta af þeim velvilja að veita þessu fólki birtu og ill.

Mig langar að segja frá afmælisriti sem heitir Ljósaskil er skrifað af Þórir S. Guðbergssyni í tilefni af 30 ára afmælisdegi Rissins sem er áfangaheimilis.Þar segir Vilhjálmur Þ Vilhjálmsson í afmæliskveðju til líknarfélagsins Rissins " Mig langar til að byrja á því að óska Líknarfélaginu Risinu innilega til hamingju með tímamótin. Reykjavíkurborg er stolt af liðsinni sínu við félagið. það á hrós skilið fyrir ötullegt starf sitt í þágu áfengis - og vímuefnanotenda í gegnum tíðina.

Ég hef sjálfur lagt ríka áherslu á að fólk beri ekki aðeins ábyrgð á sjálfum sér og sínum nánustu. Við sjálf, sem einstaklingar og þegnar í samfélaginu, megum aldrei gleyma þeim sem hafa villst hafa af leið einhvern tíma á lífleiðinni. Hvernig svo sem stendur á því að þeir hafa glatað stefnunni ber okkur að aðstoða þá við að komast á rétta braut.

Samvinna borgarinnar og félagsins á sér djúpar rætur og aldrei hefur borið skugga á tengslin. Nokkur tímamót urðu í samstarfi þegar Reykjavíkurborg keypti húseignina að Snorrabraut 52 undir starfsemina, árið 1999. Allt frá því hefur starfsemin verið rekin í náinni samvinnu við Velferðasvið Reykjavíkurborgar - áður Félagsmálastofnun og síðar Félagsþjónustu Reykjavíkurborgar.

Allt að 19 heimilismenn njóta endurhæfingar í Risinu í hvert sinn. Markmiðið með dvölinni er að auka lífsgæði og aðstoða heimilismenn við að verða aftur virkir þátttakendur í samfélaginu. Skilyrði fyrir búsetu er að hafa hætt áfengis - og fíkniefnaneyslu.

Skemmst er frá því að segja, að ákaflega góður árangur hefur verið af starfsemi Rissins. Sá árangur er besta vísbendingin um að afmælisbarnið sé við hestaheilsu og á réttri braut.,,

Ég tek undir orð Þóris sem segir Ljósaskil " Nafn sem ber það með sér að það er von fyrir þá sem í dimmum hretviðrum lífsins hafa villst af vegi um stund, þeir eyja ljósglætu sem getur varpað birtu fram á veginn. Von fyrir vegalausa. Ljósaskil.,, Mættu fleiri skilja þá til þess að fleiri elski þá.,,

Mig langar að enda þessi skrif mín á að færa þessum samtökum hlýjar kveðjur með þökk fyrir að hjálpa þeim sem þurfa. Og enda þetta með orðum Þóris S Guðberssonar

Yfir kaldan eyðisand.                                                                                                                             einn um nótt eg sveima.                                                                                                                      Nú er horfið Norðurland,                                                                                                                        nú á ég hvergi heima.

Jóhann Páll Símonarson.