Er Sævar Gunnarsson formaður SSÍ á villigötum !.

Í ársbyrjun 2007 sameinuðust Sjómannafélag Reykjavíkur og Matsveinafélag Íslands undir eitt nafn Sjómannafélag Íslands í dag er félagið með fjölmennustu félagsmenn á landinu. Í framhaldinu sagði Sjómannafélag Íslands sig úr Sjómannasambandi Íslands og um leið úr ASÍ það var gert vegna gildandi reglna þar um. Úrsögn Sjómannafélagsins úr Sjómannasambandi Íslands hefur vakið reiði og illgirni að hálfu stjórnenda ASÍ og Sjómannasambands íslands sem hafa látið öllum illum nöfnum með því að leggja steina í götu Sjómannafélags Íslands og hafa orðið uppvísir að gera félaginu erfitt fyrir í rekstri þess. þetta eru mjög alvarleg skilaboð til launþega nú þegar kjarasamningar standa yfir að  Alþýðusamband Íslands skuli vera flækt inn mafíu gengi sem ég kalla þegar stjórnarmenn beita hverjum öðrum þrýstingi til að sína sig og sanna hver er sterkastur það er ég sem ræð.

Sjómannafélag Íslands hefur um langt árabil átt fulltrúa í stjórn Gildis lífeyrissjóðs (áður Lífeyrissjóður Sjómanna og Lífeyrissjóður Framsýn) samkvæmt skipan og tillögu Sjómannasambandsins. Við úrsögn Sjómannafélagsins Íslands úr Sjómannasambandinu hafa forsvarsmenn Sjómannasambandsins unnið að því að bola burtu fulltrúa sjómanna úr stjórn lífeyrissjóðsins. Þeir lýstu því strax yfir að þeir vildu fulltrúa Sjómannafélags Íslands burtu úr stjórn lífeyrissjóðsins, enn Sjómannafélag Íslands benti hins vegar á að skipun fulltrúa félagsins yrði ekki afturkölluð. Sjómannasamband Íslands lét þar við sitja en ætla má að sambandið sjái til þess næst, þegar kosið verður í stjórn sjóðsins á næsta aðalfundi félagsins á þessu ári. Hugsanlega mun stærsta sjómanna félags landsins ekki eiga þar lengur fulltrúa í stjórn lífeyrissjóðsins fyrir sjómenn sem sínir raun hvernig Sævar Gunnarsson hagar sér gagnvart félögum í Sjómannafélagi Íslands. Þess vegna hvet ég alla félagsmenn í Sjómannafélagi Íslands að mæta á næsta aðalfund lífeyrissjóðs Gildi sem verður haldin á þessu ári. Látum ekki litla mafíu foringja komast lengur upp með bolabrögð á hendur okkur það mun ekki verða liðið af okkur lengur. Nóg er komið. 

Jóhann Páll Símonarson.

 

 

Athugasemdir

[Ólafur Ragnarsson, 2.2.2008 kl. 02:00]

Þú hefur aldrei látið deigan síga.Ég geri ekki ráð fyrir að þú gerir það nú,Hvatningarkveðjur úr Eyjum