Sjálftöku fólkið í fjárfestingarfélaginu Gift.

Nú um þessar mundir heyrist ekkert af fjárfestingarfélaginu Gift sem á ekki fyrir skuldum. Sem var af sprenging Samvinnutrygginga sem hætti starfsemi 1989 og nýtt tryggingarfélag var stofnað upp úr því sem nú heitir VÍS. Gömlu viðskiptamennirnir í Samvinnutryggingum og Brunabótafélaginu eins og allir vita eignuðust ákveðinn réttindi og námu í krónum frá 100 þúsund krónum sem síðan átti að vera ca 500 - 600 þúsund krónum af nafnvirði í bréfum í Gift. Þegar að þessu kom stóð til að stofna fjárfestingarfélag og allt átti að vera í lagi Finnur Ingólfsson fyrrverandi Seðlabankastjóri var í forsvari fyrir þessu fjárfestingarfélagi. Hver mann ekki eftir viðtalinu sem MBL hafði við hann á sínum tíma, sem var stórt og viðamikið viðtal. Þetta fjárfestingarfélag átti stóran hlut í Exista sem þeir félagar keyptu stóran hlut í, og nú er á brauðfótum hugsanlega allt hlutafé tapað. Keyptu hlutabréf til dæmis í FL Group fyrir miljarða sem eru tapaðir. og önnur félög sem hugsanlega eru á sama veg komin.

Sjálftökumennirnir sjálfir skipuðu sér slitanefnd, án laga heimildar. Eignir voru talsverðar í þessu félagi, þetta voru Finnur Ingólfsson, Þórólfur Gíslason kaupfélagstjóri á Sauðakróki, Valgerður Sverrisdóttir fyrrverandi alþingismaður og ráðherra, gamlir Kaupfélagsstjórar og Samvinnufélagsmenn. Sem tóku eignir manna eignarnámi og standa ekki einu sinni reiknisskil á sínum gjörðum. Sem verður að teljast til fjármálasvika að hálfu þessarar manna. Fólk sem tekur sér þvílíkar heimildir án laga heimildar eru ekkert annað enn þjófar á góðu máli. Það sem vekur undrun manna af hverju er ekki búið að handtaka þessa menn og setja þá í gæsluvarhald þegar bersýnileg misnotkun hefur farið fram? Þetta er augljóst dæmi um opinberan þjófnað sem hefur farið fram án dóms og laga fyrir framan andlitið á stjórnmálamönnum sem aðhafast ekkert. það virðist í lagi að stela fyrir framan augum á landsmönnum fé í eigu viðskiptamanna. Ef hinsvegar drykkjumaður stelur sér lambalæri til matar þá fær hann skilorðsbundinn dóm í 6 mánuði. Er það furða að þjóðin sé að fara á límingunum yfir þessum gífurlegu spillingamönnum sem nú ganga lausir.

Jóhann Páll Símonarson.