Er stjórnarfar á Íslandi á villigötum?

Á undan förnum vikum hefur alþjóð verið lömuð yfir þeim hörmungum sem hafa riðið yfir okkar þjóð. Bankarnir voru einkavæddir á einni helgi og Ríkistjórn Íslands tók í sína vörslu sparifé þeirra landsmanna sem höfðu lagt fyrir sem vara sjóð, ef einkvað myndi koma fyrir. Ekki nóg með það það virðist hafa verið nægur tími fyrir Ríkistjórn Íslands að mynda sér skoðanir hvernig hefði verið hægt að bregðast við þeim vanda sem var uppi. Þetta lá ljóst fyrir í febrúar mánuði að bönkunum vantaði fé til að standast þær kröfur sem lagðar voru á hendur þeirra og íslenska ríkið leyfið þeim að bólna út og enginn brást við þeim vanda. Hvar var viðskiptaráðherra Samfylkingar? Hvar var varaformaður hjá fjármálaeftirlitinu? Hvar var formaður Samfylkingar?. Var þeim ekki kunnugt um þessi mál á þeim tíma? Sem nú deila harðlega á sinn samstarfsflokk Sjálfstæðisflokk og segja ekkert vita og þetta hafi komið þeim í opna skjöldu?. Hræsnarar.

Eftir þessar hamfarir kemur ýmislegt í ljós þar á meðal að stjórnarmenn í Kaupþings banka hafa niðurfellt skuldir þeirra sem keyptu hlutabréf með kauprétta skilmálum og veð í bréfunum. Mér skilst samkvæmt fréttum að þetta nemi miljörðum króna sem voru feldar niður. Gunnar Páll Pálsson kannast ekkert við málið?.Landsbankinn hefur fullvissað þjóðina að engir slíkir samningar hafið verið þar. Bankastjóri nýa Glitnir segir að sinn kaupréttur hafi ekki náð í gegn fyrir falls bankans. Þetta svar hennar sem er með ólíkindum og væri tilefni að víkja henni úr starfi á meðan rannsókn stæði yfir. Hver skipaði hana til starfa var það ekki bankamálaráðherra Samfylkingar Björgvin G Sigurðsson sá hin sami sem ákvað að taka lífeyrissparnað fólksins í landinu eignarnámi. Er þetta ekki sá sami sem virðist koma að fjöllum er hann er spurður hvers vegna þetta gat skeð með hrun bankana.

Ég segi og stend við það þjóðin mun ekki sætta sig við að eigur fólks eru teknar eignarnámi af þeim sem standa í forystusveit Ríkistjórnar Íslands og þeim gjörðum sem þeir hafa beitt okkur, sem höfum ekkert gert nema að nurla saman auka fé til margar tíma. Þess vegna verður tafarlaust að upprædda alla þá sem hafa brotið lög og reglur. Annað munum við ekki sætta okkur við.

Jóhann Páll Símonarson.

Landsbankinn er enn að fara yfir stöðu sjóðsins.?

Var að fá nýjar upplýsingar frá Landsbankanum hver staðan mín er. Þar segir við vonumst til þess að einhverjar fréttir komi í þessari viku. Við vitum að gengi sjóðanna á eftir að lækka, spurningin er hversu mikið. Fréttatilkynning verður send út þegar þessari vinnu er lokið.

Hugsið ykkur fólk sem hefur borgað í séreignasjóð á nú von á að þeirra hlutur mun skerðast missminkið fer sjálfsagt eftir hvaða leið fólk hefur valið. það mun koma í ljós þegar niðurstaða liggur fyrir hjá þeim sem eru að fara yfir þessi mál..

Jóhann Páll Símonarson.

Framtíðarverðmæti lífeyrissparnaðar.

Þetta voru fyrirsagnir þeirra sem vildu komast yfir lífeyrissparnað fólks í svokallaðan séreignasjóð. Þessi sjóður átti að tryggja betri afkomu þeirra sem borguðu í þennan sjóð með stuðningi atvinnurekanda. Fólk gerði skriflegan samning við þá aðila sem tóku þessa vörslu að sér, á þessu blaði stóð. Ég óska eftir því að greiðslur fari aðeins í þá ávöxkstunarleið sem ég merki við hér að neðan en færist ekki á milli eftir aldri. Síðan var önnur lína þar stóð. Ég óska eftir því að allt iðgjald mitt (samtals 100%) fari í Lífsbraut Íslenska lífeyrissjóðsins og flytjist sjálfkrafa á milli ávöxtunarleiða eftir aldri.

Þetta var frá 45% í innlendum skuldabréfum, 15% innlendum hlutabréfum, 35% erlend hlutabréf, 5% erlend skuldabréf. Þetta voru leiðir fyrir hópa á aldinum 16 - 44 ára.

60% innlend skuldabréf, 10% innlend hlutabréf, 25% erlend hlutabréf, 5% erlend skuldabréf. Fyrir hópa á aldrinum 45 - 54 ára.

80% innlend skuldabréf, 5% innlend hlutabréf, 12% erlend hlutabréf, 3% erlend skuldabréf. Fyrir hópa á aldrinum 55 - 60 ára.

Lífeyrisbók, verðtryggðum innlánsreikningur fyrir 61 árs og eldri.

Lífeyrisbók, óverðtryggður innlánsreikningur fyrir 61 árs og eldri.

Þetta á við um Íslenska lífeyrissjóðinn sem fólk greiddi í með trúnaðartrausti og öryggi að leiðarljósi og þetta væri besta leiðin að eiga fé á öruggum kjörum. Þegar viðkomandi hættir að vinna og ætlar njóta þess sem eftir væri. Nú er staðan önnur þessi séreignaleið varðandi lífeyrissparnað er búinn að vera, vegna falls bankana og um leið hafa greiðendur misst kannski allt eða hluta af þessum sparnaði sem átti að vera gulltryggður hvað sem myndi gerast. Ekki má gleyma starfsmönnum bankana sem voru sendir í verslunarmiðstöðvar og fyrirtæki til að safna undirskriftum og fullvissa fólk um í leiðinni að þetta væri besta leiðin í að stofna séreignareikning.

Á föstudaginn í síðustu vikur fór ég í bankann sem séreignasjóður minn er í vörslu, þar á ég rúmar 3 miljónir króna. Ég talaði við þjónustufulltrúa hvernig staðan væri, hún sagði mér að þetta mál væri vinnslu og ég fengi bréf sent heim um farmhald málsins. Ég spurði er þetta tapað fé þjónustufulltrúin gat engu svarað um stöðu mála.

Ef fólk hefur lesið skilmála sem voru þegar fólk skrifaði undir þá var það ljóst að bankar gátu gert hvað sem þeir vildu til að ávaxta fé fólksins. Nú stöndum við sem höfum treyst þessu fólki fyrir viðbótarsparnaði okkar með sárt ennið. Ég hefði haldið að lög hefðu tryggt þetta enn svo virðist ekki vera. Ég mun nú í kjölfarið hætta að greiða þetta og losa þar í leiðinni atvinnurekanda undan þeim skildum sem honum ber. Það er með ólíkindum að ríkisstjórnin skuli ekki hafa tryggt þessi réttindi manna sem voru að safna fé til efri ára.

Jóhann Páll Símonarson. 

Það er ódýrara að láta Pit - Stop sjá um dekkjaskipti.

Það vildi svo vel til þegar ég skipi um dekk undir hjá N-1 að Réttarhálsi 2 í Reykjavík þann 17 október 2008. Sú þjónusta kostaði 6,380 krónur með umfelgun og jafnvægisstillingu. Sú þjónusta var ekki á persónulegum nótum eins þetta var og hét Gúmmívinnustofan sem eru mikil afturför að mínu mati. þetta var til þess að ég spurði hvað 16 tommu Michelin dekk Alpin myndu kosta afgreiðslumaðurinn svaraði rúmlega 29 þúsundum króna stykkið. Ég varð mjög hissa og átti ekki orð yfir þessu verði, hugsaði innra með mér tæplega 120 þúsund krónur nýir hjólbarðar undir bílinn. Nei takk svaraði ég fyrir mig og gekk á dyr frá mjög ópersónulegu dekkjaverstæði. 

Síðan sagði ég við mig hér fer ég aldrei aftur heldur finn mér dekkjaverstæði sem mun bjóða uppá persónulega þjónustu. Viti menn auglýsing birtist í Fréttablaðinu að dekkjaverstæðið Pit -Stop væri að bjóða 20 prósent afslátt af dekkjum og þjónustu. Ég fór á staðinn með annan bíl viti menn sama skipting kostaði 5,100 krónur sem er mismunur uppá 1,280 krónur á umfelgun og skiptingu á bílnum.

Nýir hjólbarðar á sama stað sama tegund Micelin Alpin kostuðu nálægt 24 þúsund krónum eða samtals 96 þúsund krónur sem sparaði mér um 24 þúsund krónur að kaupa nýdekk á þessum stað. Þjónustan sem ég fékk var betri enn ég fékk áður. Dekkjaverstæðið sem ég hafði viðskipti við var til húsa að Dugguvogi 10 Reykjavík.

Ég tek það fram að ég er ekkert að auglýsa fyrir neinn. Enn ef bloggarar geta bent fólki á góða og ódýra þjónustu að skipta um hjólbarða og kaupa sér ný dekk, áður enn næsta snjókoma kemur væri mjög gott að við værum með opin augun fyrir því.

Jóhann Páll Símonarson.

 

 

Eftirspurn eftir atvinnutækjum og bifreiðum

Stanslaus eftirspurn er nú eftir notuðum atvinnutækjum,bifreiðum frá Íslandi í dag, og hefur sú eftirspurn aukist til muna. Mörg bifreiða umboð hér á landi eru með fyrirspurnir í formi símhringinga frá Hollandi, Noregi, Danmörku, og Færeyjum sem dæmi. Gæti ég talið upp fleiri aðila sem hafa virkilegan áhuga á að fjárfesta hér á landi. Vegna þess hvað gjaldmiðilinn okkar er lár . Síðan eru það notuðu bifreiðirnar sem liggja hérna og tækin sem seljast ekki hér þau skipta hundruðum. Enn nú eru bjartir tímar að losa sig við tæki og bíla sem ekki er þörf fyrir.

Það góða við þetta allt nú er öflugur útflutningur frá Íslandi af allskonar tækjum, sölumenn koma til landsins í hrönnum að  kynna sér ástand tækja og bíla til að geta metið hvað þeir vilja borga hátt verð fyrir þau tæki. Ég veit um aðila sem kaupir öll þau tæki sem hann kemst yfir enn því miður er farið að þrengja að hvað hægt er að kaupa því útflutningur frá landinu hefur verið með því mesta á undanförnum árum.

Hitt er svo annað mál segjum að við vildum hefja framkvæmdir að nýju sem ég ætla að rétt að vona, er ég ansi hræddur um að það myndi taka marga mánuði að byggja markaðinn upp aftur vegna þess að búið er að selja flest tæki úr landi og það má vel vera þá yrði verðið hærra en það er í dag. Enn það verður að bíða betri tíma.

Jóhann Páll Símonarson.

Gordon Brown forsætisráðherra Bretlands er á villigötum.

Sú ákvörðun Gordon Brown að beita íslensku þjóðinni hryðjuverkalögum er einsdæmi í sögu lýðræðisríkja. Það er ekki bresk þjóð sem stendur fyrir þessum gjörningi, það er Gordon Brown forsætisráðherra Bretlands sjálfur í nafni verkamannaflokksins sem reynir að slá riki í augum almennings í Bretlandi sem þekkir ekki neitt til um þessi mál. Ég veit ekki annað enn að Bretar hafi verið vinaþjóð íslendinga um aldir. Það skal ennfremur upplýst að íslendingar hafa skapað mikið af atvinnutækifærum hjá vina þjóð okkar sem við töldum og teljum. Til dæmis með framleiðslu á íslenskum sjávarréttum, útflutningi á ný veiddum fiski sem hefur verið fluttur út í gámum sem nemur þúsundir tonna á ársgrundvelli af þessum viðskipum hafa skapast stöðug atvinna fyrir breska þjóð. Þess vegna er það dapurlegt til þess að vita að íslensk þjóð sé beitt hryðjuverkalögum. 

Þess vegna er gaman að sjá hvað íslendingar munu gera í framhaldinu. Hins vegar munu þeir ekki láta Breta segja sér fyrir verkum. það má sjá á þessum stuðnings undirskriftum, að það eru margir sem eru vinveittir íslendingum og meira að segja frá einstaklingum frá mismunandi þjóðernum sem er frábært. Ég tel þessar undirskriftir rúm 53 þúsundir manna bera vott um að Íslendingar ætli ekki að láta stórveldi stjórna sér.

Jóhann Páll Símonarson.

Yfir 53 þúsund undirskriftir

Eimskip semur um greiðslur.

Það er gaman þegar vel gengur og gaman að sjá hvað Gylfi Sigfússon forstjóri félagsins ásamt stjórn félagsins hafa snúið þessu gamla og góða félagi til góðs, síðan þeir tóku við stjórnartaumunum á sl, aðalfundi félagsins. Sem fram kemur í frétt mbl.is að Eimskipafélag Íslands ætlar að ná takmarki sínu, sem er fagnaðarefni fyrir Íslendinga að svo sé. Eimskipafélag Íslands hefur hafið strandflutninga að nýu til Ísafjarðar og Bíldudals. Hafa þeir flutningar aukist og gengið með eindæmum vel. Og sparnaðinn sem hlýst af þessum flutningum vegna minnkandi i slits á vegum á þessari leið og kostnaði þjóðarinnar við vegaframkvæmdir á þessum leiðum ef ekki væri strandflutningar. Það er von okkar að Eimskipafélag Íslands taki upp sömu þjónustu við alla landsmenn eins og félagið gerði á árum áður. Ég fagna þessu afreki stjórnenda Eimskipafélags Íslands að hefja strandflutninga að nýju og semja við skuldunauta það er mikið afrek fyrir land og þjóð á erfiðum tímum. Megi Eimskipafélag Íslands vegna vel um ókominn ár.

Jóhann Páll Símonarson.  

Eimskip semur við skuldabréfaeigendur

Frábærar fréttir frá KSÍ.

Ég tek undir orð Geirs þorsteinssonar formanns KSÍ. Hins vegar eru þetta fleiri félög sem vantar aðstöðu til æfingar og stúku fyrir stuðningmenn Reykjavíkurfélagana sem lítið dæmi. Eins gæti ég nefnt ÍBV sem mun á næsta ári spila í úrvalsdeild karla þar er enginn stúka sem hlífir áhorfendum fyrir veðrum og vindum þetta ástand er víða um land þar sem knattspyrna er iðkuð.

Mig langar að nefna eitt Reykjavíkurfélagið Fylkir, sem búið hefur við skilningsleysi borgaryfirvalda til fjölda ára þrátt fyrir fögur loforð, ekkert er að marka hvað borgarfulltrúar segja, nema ég veit til þess og það er satt að Vilhjálmur Þ Vilhjálmsson fyrrverandi borgarstjóri hafði gert skriflegt samkomulag við Fram og ÍR um byggingu nýrra aðstöðu til framtíðar sem er frábært framtak hjá honum. Snúum okkar aftur að Fylki sem er félag í gamalgrónu hverfi í Árbæ þar ríkir neyðarástand vegna fjölgunar, þeirra  sem vilja iðka íþróttir. Nú vill svo til að húsnæðið sem þar er, er sprungið og félagið hefur í nokkur ár sótt um framtíðar staðsetningu við Hádegismóa enn orðið lítið ágengt vegna mótþróa borgarstjóra Hönnu Birnu Kristjánsdóttur, Gísla Marteins Baldurssonar, og Júlíusar Vífils Ingvarssonar sem hafa barist gegn þessum áformum og annarra borgarfulltrúa.

Stað þess er reynt að þvinga Fylki fimleikadeild inn í svokallað Mest hús sem var verslunarhúsnæði við Rauðhóla sem er ekki í alfara leið. Með þeim hundraða miljóna kostnaði við breytingar sem það myndi kosta Reykjavíkurborg og skattgreiðendur. Stað þess að hefja samningarviðræður um framtíðarstaðsetningu Fylkis. Nú liggur umsókn fyrir byggingu Búddahofs við Hádegismóa þeirri staðsetningu hefur ekki verið hafnað að ég veit best enda er málið í kynningu og mun sú kynning renna út mjög fljótlega. Það er ömurlegt til þess að vita að gamalgróið knattspyrnufélag sé sett á hakan eins og Óli verkamaður sem hætti í vegavinnunni vegna þess að hann var látinn sitja á hakanum. Þetta er ömurleg þróun mála þeirra sem sitja í borgarráði Reykjavíkur og borgarstjóra.

Ég mun halda áfram með mál Fylkis í Árbæ og mitt félag Fram og fleiri félaga á næstunni.

Jóhann Páll Símonarson.

KSÍ rýmkar reglur og setur meira fé í barnastarf

Straumur- Burðaás fjárfestingarbanki hættir starfsemi sinni á Íslandi

Það er með ólíkindum hvernig Seðlabanki Íslands fer hamförum þessa vikuna með því að innkalla meiri tryggingar frá þeim aðilum sem staðist þá styrjöld sem hefur geisað hér á Íslandi undanfarna vikur á fjármálamarkaði. Ekki hefur vantað þá aðila sem hafa gefið sitt álit, ekki stendur á skoðunum þeirra sem telja sig hafa rétt fyrir sér og segjast hafa mikið vit á þessum málum. Fjölmargir hafa dregið Davíð Oddson inn í þessa umræðu með óprúttnum hætti og reynt að gera í leiðinni Seðlabanka Íslands ótrúðverðugan í leiðinni sem er með ólíkindum að svo sé. Það rétta er að Seðlabanki Íslands hefur á að skipa fjölda hagfræðinga, sem eru í vinnu hjá bankanum enda eru margir fræðimanna við stjórnun bankans og ættu að vita betur varandi peningamálastefnuna í landinu sem hefur ekki gengið sem best að koma peningamálastefunni í lag, þrátt fyrir gífurlegan hagvöxt og aðvaranir á undanförnum árum. Saman ber að afla sér meiri gjaldeyrisforða til að standast árásir erlenda banka. Eins og málin voru komin í að bankarnir voru ornir 13 sinnum stærri enn þjóðarskútan sjálf. Hugsið ykkur stöðuna sem okkar þjóð var kominn í og allir sátu og sváfu værum blundi þar til allir voru andvaka og spurðu hvað hefur gerst?

Síðan skulum við taka Fjármálaeftirlitið hvar var það? það þurfum við að skoða vel?, Síðan eru það þjóðkjörnir fulltrúar hvað voru þeir að hugsa? lengi gæti ég haldið áfram. Ekki ætla ég að taka þá í þeim leik að sverta mannorð manna niður í skítinn, hinsvegar er ég virkilega ósáttur eins og margir segja hvernig gat þetta farið svona, þessari spurningu munum við sjálfsagt fá seint svar við.

Ég tel það nauðsýnlegt að þjóðin standi vörð um það sem eftir stendur og við reynum að bjarga því sem eftir verður. Hinn vegar tel ég það víst að Fjárfestingarbanki Straumur- Burðarás muni ekki standa í því lengur að vera sífellt undir hótunum Seðlabanka Íslands og Fjármálaeftirlitsins þrátt fyrir sterka stöðu og hefur bent á þær staðreyndir trekk í trekk að staða bankans sé sterk. Nú er komið nóg segja stjórnendur við munum flytja okkar starfsemi úr landi við fyrsta tækifæri með okkar starfsemi og þar með munu tapast gífurlegar skattatekjur fyrir okkar þjóð og ekki má gleyma þeim atvinnutækifærum sem munu glatast. Enda segir forstjóri bankans William Fall að þeir hafi sótt fram á erlendum markaði og dregið úr vægi Íslands í starfseminni. Hvað þýða þessi orð?

Jóhann Páll Símonarson.

 

Straumur leggur fram nýtt veð

Við horfum inn í lönd framtíðinnar með bjartsýnina að leiðarljósi.

Þessi orð vil ég tileinka þeim sem eiga um sárt að binda og eru að örmagnast þessa dagana, ekki veitir af að minna fólk á kærleika og hlýu í samdrætti sem við eigum við að etja þessa stundina. Mér hefur fundist framkoma lítils hóp fréttamanna og stjórnmálamanna í umræðunni að undanförnu vera ömurlega, ekki síst ungafólkið sem er í forystusveit fjölmiðla sem reynir að koma inn í huga fólks að hér ríki kreppa og allt sé að fara til fjandans. Ég tel þetta vera uppsafnaðan hugaburð og skort á orðum og hugtökum þessa einstaklinga sem reyna að telja fólki trú um það versta, það er alvarlegur hlutur þegar fámennur hópur stjórnmálamanna og fréttamanna misnota vald sitt með þessum hætti. Megin þorri unga fólksins í dag veit ekki hvað kreppa er, því það hefur lifað hér lúxus lífi og fengið allt upp í hendurnar án fyrirhafnar. Á meðan fólk hér á árum áður átti ekki fyrir lífsnauðsynjum og bjó í hrörlegum húsakynnum og átti ekki ofan í sig sökum fátæktar.

Þess vegna verður við að standa saman með okkar forsætisráherra Geir Haarde, sem hefur staðið sig vel á þessum tímamótum og hefur reynt að leysa okkar efnahagsvanda með yfirvegun og festu í erfiðum málum. Þess vegna tel ég brýnt að vanda það sem sagt er. Ekki vera að kenna öðrum um það er engum til góðs að vera með blóraböggla á herðum okkar. Það er betra að vinna þetta erfiða mál með yfirvegun og þrautseigju það mun birta upp um síðir.

Allar negatífa raddir eru hættulegar vegna þess að margir hafa ekki þolað þetta áfall sem það varð fyrir og er að gefast upp á lífinu sökum þess að það sér ekki ljósið sem er framundan. Þess vegna bið ég stjórnmálamenn, fréttamenn, og þá sem stjórna fjölmiðlum að sjá til þess að flutningur frétta sé byggður á rökum og staðreyndum ekki á fölskum forsendum, æsingi hugaburði fólks sem veit ekki um hvað málið snýst. Fréttafólki og miðlum þess væri nær að verja okkar hag og snúa sér að stjórnmálamönnum Bretlands og benda þeim á hvað þeir hafa skaðað okkar samfélag. Íslenska ríkið þarf að hefja dómsmál á hendur Breta strax.

Fréttamenn þið eigið góðan aðgang að ykkar samtarfsmönnum frétta í Bretlandi þar getið þið varið okkur með fyrirspurnum til breskra stjórnmálamanna. Það má vera að galli sé í þessu hjá okkur vegna þess að þetta er algjörlega ný staða sem við erum að upplifa nú og okkur vantar tifinnilega fréttamenn sem standa fyrir sínu. Enn því miður eru þeir hættir og komnir til annarra starfa enn í staðin eru ráðnir reynslulitlir fréttamenn sem hafa takmarkað vit á því sem er að gerast nema í æsingarformi.

Jóhann Páll Símonarson.