Sigrún Brá sundkona úr Fjölni er frábær.

Sigrún Brá Sverrisdóttir sundkona úr íþróttafélaginu Fjölni er fyrsta kona frá þessu félagi sem nær því Ólympíulágmarki í 200 metra skriðsundi hún synti á tímanum 2.03.35 sem er frábær árangur hjá þessari ungu konu. Ekki nóg með það hún tvíbætti íslandsmetið í greininni á sama degi. Sigrún Brá hefur æft mjög vel alla daga í vetur og hefur stundað nám með þessum æfingum sem verður að teljast einstakur árangur. Enda er hún í fanta formi og á eftir að bæta sig þegar frammí sækir. 

Það verður gaman að fylgjast með Sigrúnu Brá Sverrisdóttur þegar 5 íslenskir sundmenn fara á Ólympíuleikana í Peking sem hefjast í ágúst á þessu ári. Þessi stóra stund hennar eftir þrotlausar æfingar hafa nú skilað sér og Grafarvogsíbúar eru í sjöunda himni yfir þessum frábæra árangri hennar og íþróttafélagsins Fjölnis sem hefur staðið þétt að baki henni ásamt foreldrum hennar og fjölskyldu sem eiga bestu þakkir fyrir allt.   

Sigrún Brá við íbúar í Grafarvogi óskum þér og fjölskyldu þinni, og íþróttafélaginu Fjölni til hamingju með með þinn frábæra árangur sem er einstakur.

Jóhann Páll Símonarson.

Sigrún Brá fer til Peking

Athugasemdir

[María Anna P Kristjánsdóttir, 7.6.2008 kl. 17:42]

Sigrún Brá er mjög sterk sundkona,og ég óska henni til hamingju með árangurinn,Óli Þór þjálfari má einnig vera stoltur.

Ég veit að enn eru nokkrir sundmenn að reyna að ná lágmörkum og munu þau synda í Barcelóna í næstu viku,eins og t.d. Árni Már Árnason sem syndir fyrir ÍBR en var áður hjá Ægir.

Ég á sjálf sundmann sem æfir hjá Ægir,en hann er enn of ungur til að reyna við Ólimpíulágmörk.

[Jóhann Páll Símonarson, 7.6.2008 kl. 19:41]

Heil og sæl María.

Ég tek undir með þér enda ert þú afskaplega raunsæ kona. Ég veit til þess að þessi unga og upprennandi kona mun standa sig á næstu árum.

Ég mun eins fagna því þegar þinn sonur mun taka þátt i sundmótum sem síðan leiða til árangurs. Við foreldar verum að styðja við þessa unglinga sem eru að miða sig við þá bestu. Af hverju eigum við ekki að vera með þeim. Þau þurfa á okkur að halda.

Þess vegna fagna ég þessari umræðu hún á rétt á sér. Eins og þú bendir réttilega á.

Jóhann Páll Símonarson.